உண்மையில் வேற்று கிரகவாசிகள் உள்ளனரா? புவிக்கு வந்தனரா?

                                                          

 இந்த பிரபஞ்சத்தில் பூமியன்றி , வேறு கோள்களில் , உயிர்கள் இருக்கின்றனவா அல்லது நாம் மட்டும் இந்த பிரமாண்டத்தில் தனிமையில் இருக்கிறோமா என்ற கேள்வி அனைவரையும் கவர்ந்த ஒன்று.

பிரபஞ்சத்தில் உயிர்கள் இருக்கின்றன , அதுவும் பல கோள்களில் இருக்க வாய்ப்பு உள்ளது என்று அறிவியலாளர்கள் கூறுகின்றனர்.

சில நூறு ஆண்டுகளுக்கு முன் ஒரு கண்டத்தில் இருக்கும் மனிதன் , மற்ற கண்டங்களில் மனிதர்கள் வாழ்வது தெரியாமல் இருந்தான் . அதுபோல நாமும் இப்பொழுது மற்ற கோள்களில் வாழும் உயிர்களை பற்றி அறியாமல் கிணற்றுத்தவளை போல் வாழ்கிறோமோ?

நம் பூமியில் மட்டுமில்லாது மற்ற கோள்களிலும் உயிர் இருக்கிறது என்பதற்கு , அறிவியலாளர்கள் ஒரு மிக எளிமையான வாதத்தை முன் வைக்கின்றனர். மாவேடிப்பு (BIG BANG ) நடந்தபோது இந்த பிரபஞ்சத்தில் ஒன்றுமே இல்லை . இந்த பூமியே இல்லை. ஹைட்ரோஜென் மற்றும் ஹீலியம் என்ற இரண்டு தனிமங்கள் மட்டும் தான் முதலில் தோன்றின.இந்த பிரபஞ்சத்தில் நாம் காணும் சகல நட்சத்திரங்களும் , கோள்களும். அந்த ஹைட்ரோஜென் மற்றும் ஹீலியம் ஆகிய அடிப்படை தனிமங்கள் பல ரசாயன மாற்றங்கள் அடைந்து உண்டானவை.அப்படி அந்த இரண்டு தனிமங்களிளிருந்து உண்டான கோடான கோடி கோள்களில் அனைத்திலும் உயிர் உண்டாகி பரிணாம வளர்ச்சி அடையமுடியாமல, அவைகளில் ஒன்றான நம் கோளில் மட்டும் தான் அது சாத்தியமானது என்று கூறுவது தவறு. என்பதுதான் அந்த வாதம்.

நம் சூரிய மண்டலத்திலேயே , குறிப்பாக செவ்வாயிலும் , மற்றும் சில கோள்களின் நிலவுகளிளுமே ஆரம்ப உயிரினங்கள் இருக்க அதிக வாய்ப்புண்டு என்ற முடிவுக்கு வருகின்றனர் அறிவியலாளர்கள் . நம்முடைய சூரிய குடும்பதிலயே உயிர் இருக்க வாய்ப்பு உள்ளபோது பிரபஞ்சத்தின் மற்ற கோடான கோடி கோள்களில் சிலவற்றில் அது சாத்தியமாகாதா?

பல கோள்கள், அது சுற்றிவரும் நட்சத்திரங்களுக்கு அருகாமையில் இருந்தால் அதிக வெப்பத்தின் காரணமாகவும் , நட்சதிரங்களிளிருந்து அதிக தொலைவில் இருந்தால் வெப்பம் இன்மை காரணமாகவும் , உயிர் தோன்ற ஏதுவாக இல்லாமல் இருந்திருக்கலாம். சூரியனுக்கு அருகிலுள்ள புதன் சுமார் 450 டிகிரி ( செல்சியஸ் ) வெப்பத்தில் வாடிக்கொண்டிருக்கின்றது. சூரியனிலிருந்து தொலைவில் உள்ள கோள்களும் அதன் நிலவுகளும் வெப்பமே இல்லாமல் இருக்கின்றன. அல்லது கோள்கள், வியாழன் போல வாயுக்கோள்கலாகவும், பல , செவ்வாய் போல காந்த புலன் இன்மை, காற்று மண்டலம் இன்மை போன்ற பல காரணங்களினால் உயிர் தோன்றி வளர்ச்சி அடையாமல் போயிருக்கலாம் . அவை போக இன்னும் பல்லாயிரக்கணக்கான கோடி கோள்கள் இருக்கின்றனவே . உயிர் தோன்றி வளர, அவை ஏது வானதல்லவா?

நம் சூரிய குடும்பத்தில் ரவுடிகள் போல சுற்றிவரும் பாறைகளிலும் ( asteroid ), வால் நட்சத்திரங்களிலும் ( comets ), உயிர் உண்டாவதற்கான அடிப்படை ரசாயன் மூலக்கூறுகள் காணப்படுவது பிரபஞ்சத்தில் உயிர் இருப்பதற்கு ஒரு சான்று என கொள்ளலாம் . நம் கோளுக்கு பிரபஞ்சத்திலிருந்து , இந்த வகையான சூரிய குடும்பத்தை சுற்றிவரும் பாறைகளின் மூலமும் , உயிர்கள் வந்திருக்க வாய்ப்புக்கள் அதிகம் உள்ளன என்று அறிவியலாளர்கள் கருதுகின்றனர்.

நம்பவே முடியாத இடத்தில உயிர்கள்
,
1977 இல் கடலுக்கு அடியில் சுமார் 7000 அடி ஆழத்தில் ,வெப்ப நீர் உற்றுக்களை ( HYDROTHERMAL VENTS ) கண்டுபிடித்தனர். 400 டிகிரி C என்ற வெப்பநிலை கொண்ட அந்த நீரூற்றுக்கள் கடலின் தரை மட்டத்தில் , பூமிக்குள்ளே உள்ள எரிமலை குழம்புகலினால் சூடாக்கப்பட்டு வெளியே வேகமாக வருகின்றன . பல நச்சு ரசாயனங்கள் நிறைந்த இந்த நீரூற்றை ஆய்ந்த
ஆய்வாளர்கள் , ஒரு மிக பெரிய ஆச்சிரியத்தை கண்டனர். அங்கே பல உயிர்கள் அந்த ரசாயன பொருட்டகளையே உணவாக உண்டு , சூரிய வெளிச்சம் சற்றும் இல்லாத அந்த இடத்தில உயிர்வாழ்ந்து கொண்டிருக்கின்றன .
உயிர்கள் வாழ முடியவே முடியாது என்று நினைத்த இடத்தில , உயிர்களை கண்ட அறிவியலாளர்கள் அப்போதுதான் உணர்ந்தார்கள் பிரபஞ்சத்தின் எந்த மோசமான இடத்திலும் உயிர்கள் வளர சாத்தியம் உண்டு என்று.

அதுமாத்திரமல்ல , உறைநிலைக்கு மிகக்குறைவான ஆர்க்டிக் துரவ பிரதேசங்களிலும் , மிக அமிலத்தன்மை கொண்ட இடங்களிலும், உயிர்கள் வாழ்வதை கண்ட அறிவியலாளர்கள் , பிரபஞ்சத்தில் உயிர்கள் வேறு கோள்களில் இருக்கின்றதா என்ற கேள்விக்கு முற்றிபுள்ளி வைத்துவிட்டனர். ஆதாரம் கிடைப்பதுதான் இனி நடக்க வேண்டியது.

பிரபஞ்சத்தில் உயிர்களை தேடலாமா?

பிரபஞ்சத்தில் உயிர்களை மூன்று வகையாக பிரிக்கலாம். முதலாவது, பரிணாம வளர்ச்சி அடையாத பாக்டீரியா போன்ற உயிரினங்கள் , இரண்டாவது , மனிதனை போன்ற அறிவுஜீவிகள் , மூன்றாவது மனிதனை விட அதிக அறிவியல் வளர்ச்சி கண்ட உயிர்கள் . அவர்களுக்கு நாம் 'சூப்பர் மனிதர்கள் என்று பெயர் கொடுப்போம் . இரண்டாவது வகை , மூன்றாவது வகை அறிவுஜீவிகள் உருவத்தில் மனிதர்களைப்போல இருப்பார்கள் என்று கற்பனை செய்து கொள்ள வேண்டாம் . சில திரைப்படங்களில் அவர்கள் உருவங்களை கற்பனை செய்து சித்தரித்திருப்பார்கள் . அதை விட மோசமான
உருவமாக இருந்தாலும் ஆச்சிரிய பட வேண்டாம்.

கதாநாயகர்கள் போல நல்ல அழகான உருவத்தையே எதிர்பார்க்கும் மனிதர்கள் , உருவத்தில் மோசமாகவும் , அறிவில் சிறந்தவர்களான அவர்களை காண நேர்ந்தால் , திரும்பி கூட பார்க்காமல் சென்று விடுவார்களோ?

முதலாவது வகையான பாக்டீரியா போன்ற ஆரம்ப கட்ட உயிரினங்கள் பல கோள்களிலும் இருக்கும் என்பதில் எள்ளளவும் ஐயப்பாடு இல்லை . நம் கேள்வியெல்லாம் மனிதன் போன்று வளர்ச்சியடைந்த உயிர்களும் , அதனிலும் அதிக வளர்ச்சி கண்ட சூப்பர் மனிதர்களும் உள்ளனரா ? உண்டு என்றால் அவர்கள் நம்மை ஏன் நம்மை தொடர்பு கொள்ளவில்லை என்பதுதான் . அதற்க்கான காரணத்தை விவாதிக்கத்தான் இந்த கட்டுரை.

அண்டத்தில் அறிவு ஜீவிகளை தேடும் பனியானது , ' செட்டி ' ( SETI --SEARCH FOR EXTRA TERRESTRIAL INTELLIGENCE ) என்ற
அமைப்பினால் பிரபஞ்சத்தில் எங்கிருந்தாவது செயற்கை ரேடியோ கதிரலைகள் பூமிக்கு வருகின்றனவா என்று கவனிப்பதுதான். செயற்கை ரேடியோ அலைகள் அறிவுஜீவிகளால் தான் உருவாக்க முடியும். பிரபஞ்சத்திலிருந்து பல காரணங்களினால் இயற்கையாக ரேடியோ கதிரலைகள் பூமிக்கு வரும். ஆனால் வேற்று கோள் அறிவுஜீவிகள் செயற்கையாக உண்டாக்கிடும் கதிரலைகளை அறிவியலாளர்கள் பிரித்து அறிய முடியும். அவ்வாறு செய்திகள் வந்தால் அதுதான் வேற்று கோளில் நம்மை போன்ற அறிவு ஜீவிகள் வாழ்வதற்கு அடையாளமாகும். இதற்காக அதிநவீன ரேடியோ தொலைநோக்கிகளை உபயோகித்து இரவு பகல் என்று பாராமல் வருடம் முழுவதும் வானத்தை ஆராய்ந்து கொண்டிருக்கின்றனர்.

இதுவரை ஏன் நம்மை தொடர்பு கொள்ளவில்லை .

1930 ஆம் ஆண்டுகளில் நம் பூமியில் உபயோகிக்க ஆரம்பித்த ரேடியோ அலைகள், நம் பூமியில் பயணிப்பது போன்று , நம் பூமியை விட்டு பிரபஞ்சத்திலும் பயணம் செய்ய ஆரம்பித்துள்ளன . நாம் அந்த அலைகளை வேற்று கிரக மனிதர்களை சென்றடையும் நோக்கத்துடன் அனுப்பவில்லை. நம் தேவைக்குத்தான் ஒலிபரப்பானது. 1930 லிருந்து 2012 வரை , சுமார் என்பது ஆண்டுகள் , இவை நம்மை விட்டு ஒளியின் வேகத்தில் அதாவது வினாடிக்கு மூன்று லட்சம் கிலோ மீட்டர் என்ற வேகத்தில், பயணம் செய்துள்ளன . வேற்று கோளில் வாழும் , அறிவுஜீவிகள் சுமார் சுமார் 80 ஒளியாண்டுகள் என்ற தொலைவுக்குள் இருந்தால், அன்று நம்மிடமிருந்து சென்ற அந்த அலைகள், இப்போது அவர்களை சென்றடைந்திருக்கும்.அவர்களால் இப்போது நம் ஒலிபரப்பை கேட்க முடியும் . ' இப்போதுதான்' கேட்க முடியும் என்பதை கருத்தில் கொள்ள வேண்டும் .

நம்மிடமிருந்து சென்ற அலைகள், நாம் அண்டத்தின் இந்த பகுதியில் உள்ள பூமியில் இருப்பதை அவர்களுக்கு அடையாளம் காட்டி கொடுக்கும் . இந்த பூமியில் அறிவுஜீவிகள் இருப்பதை புரிந்துகொண்டு அவர்கள் ரேடியோ அலைகள் மூலம் உடனே செய்தி அனுப்பினால் அது நம்மை வந்தடைய இன்னும் என்பது வருடங்களாகும்.

அவர்கள் வாழும் கோள் ஒருகால் 200 ஒளியாண்டுகள் தொலைவில் இருந்தால் நம்மிடமிருந்து சென்ற கதிரலைகள் அவர்களை போய்ச்சேர இன்னும் 120 வருடங்களாகும் . ( ஏற்க்கனவே என்பது ஆண்டுகள் அலைகள் பயணம் செய்தாயிற்று அல்லவா ). அதை வாங்கிய பின் அவர்கள் நமக்கு பதில் அனுப்பினால் அது நம்மை வந்து சேர மீண்டும் 200 ஆண்டுகளாகும்.

ஆயிரம் ஓளி ஆண்டுகள் தொலைவில் இருந்தால் நமக்கு பதில் வர சுமார் இன்னும் இரண்டாயிரம் ஆண்டுகளாகும். செய்தி போக ஆயிரம் ஆண்டுகள் , அதை பார்த்து விட்டு பதில் அனுப்பினால் அது வந்து பூமியை அடைய ஆயிரம் ஆண்டுகள் ஆகும்.

நாம் வேற்று கோள் வாசிகளை தொடர்பு செய்ய முடியாமல் போனதற்கு , நம் கோளுக்கும் மற்ற கோள்களுக்கும் உள்ள பென்னம் பெரும் தொலைவுகள் தான் முக்கிய காரணம் ஆகும்.

நூறு ஆண்டுகளுக்கு முன்பு , பூமியில் இருக்கும் நமக்கு , பிரபஞ்சத்திலிருந்து வரும் அலைகளை வாங்கி பதில் அனுப்பும் தொழில் நுட்பம் தெரியாது. அந்த காலத்தில் நமக்கு ஒரு செய்தி வந்திருந்தால் நாம் அதை தவரவிட்டிருக்கவும் வாய்ப்புண்டு

அதேபோல , ஒருகால் நம்மிடமிருந்து சென்ற அந்த அலைகளை பெற்று அதை புரிந்துகொள்ளும் அறிவியல் தெரியவில்லை என்றால், அவர்களுக்கு நாம் இங்கிருப்பது தெரியாமல் போய்விடும்.

எப்போது வேண்டுமானாலும் செய்தி வந்து சேரலாம்

நாற்பது ஒளியாண்டுகள் தொலைவில் உள்ள ஒரு கோளில் அறிவுஜீவிகள் இருக்கிறார்கள் எனகொள்வோம். நம்மிடமிருந்து என்பது ஆண்டுகளுக்கு முன் சென்ற அலைகள் நாற்பது ஆண்டுகளுக்கு முன் அவர்களை சென்று அடைந்திருக்கும். அவர்கள் அதை கேட்டு பதில் அனுப்பியிருந்தால் நாற்பது ஆண்டுகள் பயணம் செய்து பூமிக்கு அது வந்து சேரும் நேரமாகிவிட்டது. எப்போது வேண்டுமானாலும் செய்தி வரலாம்.

அல்லது ஆயிரம் ஒளியாண்டுகள் தொலைவில் உள்ள, நமக்கு முன்னரே விஞ்ஞானம் வளர்ச்சியடைந்த, ஒரு கோளிலிருந்து புறப்பட்ட அலைகள் ஆயிரம் ஆண்டுகள் பயணித்து , இப்போது நம்மை வந்தடைய சாத்திய கூறுகளும் உள்ளன.

வாவ் ( WOW )

1977 ஆம் ஆண்டு ஆகஸ்ட் 16 ஆம் தேதி , தேடுதல் பணியில் ஈடு பட்டுகொண்டிருந்த குழு , பிரபஞ்சத்தின் ஒரு
திசையிலிருந்து ஒரு செய்தியை பெற்றது. ' வாவ் ' (wow) என்ற அந்த செய்தி சுமார் 70 நொடிகள் நீடித்தது. பரவசமடைந்த
விஞ்ஞானிகள் அந்த செய்தி சுமார் 200 ஒளி ஆண்டுகள் தொலைவிலிருந்து வந்ததை அறிந்துகொண்டர்னர் . உடனே பதில் கொடுத்தனர். உலகமெங்கும் பரபரப்பு நிலவியது. ஆனால் அந்த செய்தி தொடர்ந்து வராமல் நின்று விட்டது. அதற்கு நாம் கொடுத்த பதில் போய் சேர 200 ஆண்டுகளாகுமே. அதற்கு பிறகுதானே அவர்கள் நாம் இருப்பதை அறிந்துகொள்ள முடியும் .

தேடுதல் பணியை ' செட்டி ' சுமார் 40-50 ஆண்டுகளாக செய்துவருகிறது. பிரபஞ்சத்தை பொறுத்தவரை இது மிக மிக குறுகிய காலம். தேட ஆரம்பித்து சில ஆண்டுகளே ஆவதற்குள் பிரபஞ்சத்தில் அறிவுஜீவிகள் இல்லை என்ற முடிவுக்கு வரமுடியாது. நம் பால் வெளி மண்டலத்திலேயே பல கோள்களில் அறிவுஜீவிகள் இருப்பதற்கான வாய்ப்புண்டு என்று விஞ்ஞானிகள் உறுதியாக நம்புகின்றனர். ஏனென்றால் நம் பல் வெளி மண்டலத்திலேயே பல ஆயிரம் கோடி நட்சத்திரங்களும் , அதை சுற்றி பல கோள்களும் உள்ளன .

துரதிஷ்டம்

பிரபஞ்சத்தில் ஒவொரு நட்சத்திரமும் ஒன்றை விட்டு ஒன்று மிகுந்த தொலைவில் உள்ளதால் , ஒரு கோளில் இருந்து அனுப்பப்பட்ட செய்தி மற்ற கோளை அடையும் முன்னரே, செய்தி அனுப்பிய கோள், துரதிஷ்ட வசமாக அழிந்து போவதற்கான சாதியக்கூறுகள் அதிகம் உள்ளன் என்பது மிகவும் கசப்பான , மறுக்கமுடியாத உண்மை. ௦௦௦ சில கோள்கள் ஆயிரம் ஒளிவருடங்கள் தொலைவிலும், சில லட்சம் அல்லது கோடிக்கணக்கான ஒளிவருடங்கள் தொலைவிலும் உள்ளபோது அங்கிருந்து வரும் செய்திகள் இங்கு வந்து சேருவதற்குள் அந்த கோள் அல்லது அதில் வாழும் உயிர்கள் அழிந்து போக வாய்ப்புள்ளது.

ஒரு நம்ப முடியாத உண்மை என்னவென்றால், இந்த பூமியில் இதுவரை உயிர்கள் பரினாமித்து மனிதன் எனும் ஒரு அற்புத பிறப்பு அடைந்தது மிக மிக ஆச்சரியமும் அதிசயமுமாகும் என்று அறிவியலாளர்கள் கூறுகின்றனர். ஏனென்றால் இந்த பிரபஞ்சம் நம்மில் பல பேர் நினைப்பதுபோல அமைதியானது அல்ல. வானத்தை பார்த்துக்கொண்டிருக்கும் நமக்கு வானத்தில் பெரிய விபத்துக்கள் தோன்றாததால் அப்படி தோன்றுகிறது.

உண்மை என்னவென்றால் பிரபஞ்சத்தில் பல அழிவுகள் அப்பப்போது நடந்துகொண்டிருக்கின்றன. நம் பூமியும் இதக்கு விதி விலக்கில்லை . நம்மில் பலர் இந்த பூமி எப்போதும் பாதுகாப்பாக இருக்கும் என்ற ஒரு நம்பிக்கையுடன் இருக்கின்றனர். பூமிக்கு பல பாதுகாப்புகள் இருந்தாலும் பற்பல ஆபத்துகளும் காத்து கொண்டிருக்கின்றன என்பது மறுக்க முடியாது. இந்த பூமி இதற்க்கு முன் பல முறை பெரும் தாக்குதலுக்கு உள்ளாகியுள்ளது . ஆறு கோடி ஆண்டுகளுக்கு முன் , அண்ட வெளியில் இருந்து சுமார் மணிக்கு 30,0000 கிலோ மீட்டர் வேகத்தில் வந்த ஒரு வின் வெளி பாரையினால் (ASTEROID) பூமி தாக்கப்பட்டது என்றும் அந்த தாக்குதலினால்தான் ' ட்ய்நாசர்' ( dynosaur ) என்ற , அப்போது பூமியை ஆண்டுவந்த மிருகங்களை பூமி இழந்தது என்று விஞ்ஞானிகள் கூறினர். அப்போதைய அரசியல் வாதிகள் அதை நம்பவில்லை . விஞ்ஞானிகளும் , சிந்தையாளர்களும் சொன்னதை ஆட்சியாளர்கள் கேட்டிருந்தால் மனித குலம் நல்ல வளர்ச்சி கண்டிருக்குமே. அவர்கள்தானே விஞ்ஞானிகளின் ஆராய்ச்சிக்கு பணம் கொடுப்பது.

அண்டவியல் வளாச்சி அடைந்த பின் நம் கண்ணாலேயே அந்த மாதிரி தாக்குதலை பார்க்க நமக்கு ஒரு சந்தர்ப்பம் 1994 இல் கிடைக்கபோவதாக கூறினர் விஞ்ஞானிகள். அதிர்ந்து போன அரசியல் வட்டாரம் அதை பார்க்க
தயாரானது . நல்லவேளை தாக்குதல் வியாழன் மேலதான் . நம் மேல் வரும் பல தாக்குதல்கள் வியாழனின் ஈர்ப்புவிசையினால் வியாழனை தாக்கயுள்ளன. வியாழன் இல்லாவிட்டால் , பூமிக்கு ' சங்கு ' முன்பேயே ஊதப்பட்டிருக்கும்

விஞ்ஞானிகள் சொன்ன நாளில் , அந்த தாக்குதல் எல்லோரும் பார்க்க வியாழனின் மேல் நடந்தது. வியாழன் பூமியை விட பல மடங்கு பெரிது. தாக்குதல் நடந்தபின் பூமி அளவு பெரிய நெருப்பு வியாழனில் எரிவதை , மனித வரலாற்றில் முதன் முறையாக விஞ்ஞானிகளும் அரசியல்வாதிகளும் தொலைநோக்கியின் மூலமாக ' லைவ் ' ஆக கண்டனர். அறிவியலாளர்கள் கூறியது போல நடந்ததை கண்டபின் தான் அரசியல் வாதிகளுக்கு அறிவியல் உண்மைகளைத்தான் கூறுகிறது என்று புரிந்தது . அதன்பின்னர் அண்டவியல் ஆராய்சிகளுக்கு உதவி கொடுக்கப்பட்டது. இல்லையென்றால் தங்களுக்கும் சேர்ந்து ஆபத்து வருமே, என்பதால் .

இதுபோல பல தாக்குதல்களில் இருந்து தப்பிய பூமி ஒரு ' ஜாக்பாட் ' அதிர்ஷ்டசாலி என்று கூறுகின்றனர் அறிவியலாளர்கள் . மூன்று சீட்டு விளையாடும் போது மூன்று சீட்டும் ' ஏஸ் ' ஆக , ஒருமுறையல்ல இரண்டு , மூன்று முறை வந்தால் எவ்வளவு அதிஷ்டமோ அவ்வளவு அதிர்ஷ்டம் பெற்றது பூமி என்று கூறுகின்றனர்.

அழகான பெண்ணை வர்ணிக்க நிலவை உதாரனத்திற்க்கு சொல்வர் , கவிஞ்ர்கள். ஆனால் நிலவை நேரில் பார்த்தாலோ,
அல்லது அதன் ' க்ளோஸ் அப் ' புகைப்படத்தையோ பார்தார்களேயானால், அதன் பிறகு பெண்ணை வர்ணிப்பதற்கு
பதிலாக , வசை பாடுவதற்கு தான் நிலவை பயன் படுத்துவர். ஏனென்றால் நிலவில் அவ்வளவு குழிகள். அம்மைதழும்பு முகம் போல இருக்கும். எல்லாம் வாங்கிய தாக்குதலின் அடையாளங்கள் . பூமிக்கும் இந்த தாக்குதல் நிகழ்ந்திருக்கிறது. ஆனால் மழை , பூகம்பம், எரிமலை, கண்ட அசைவுகள் , கடலரிப்பு போன்றவற்றால் அவை பெரும்பாலும் மறைந்து போய்விட்டன. சைபீரியாவிலும் , அமெரிக்காவின் அரிசோனா மாநிலத்திலும் மற்றும் பூமியின் சில பகுதிகளில் இந்த தழும்புகள் காணலாம்.

புதன் கோளும் ஒரு பலத்த தாக்குதலுக்கு உள்ளாயிருக்கின்றது.

பிரபஞ்சம் வயது அடைந்து கொண்டே இருக்கின்றது. நமது சூரிய குடும்பமும் விதிவிலக்கல்ல , நமது செவ்வாய் கோள் ஒரு காலத்தில் பூமியை போலவே காந்த புலன் உள்ள கோளாகவும், தண்ணீர் , வளிமண்டலம் உள்ள கோளாகவும் இருந்தது. அங்கே ஆரம்பகட்ட உயிரினங்கள் இருந்ததற்கான வாய்ப்புகள் உள்ளன என்று பல அறிவியலாளர்கள் நம்புகின்றனர். மேலும் செவ்வாயிலிருந்து உயிர் பூமிக்கு வந்திருக்க வாய்ப்புண்டு என்றும் கூறுகின்றனர்.ஆனால் தற்போது அதற்க்கு காந்த புலன் இல்லை. நீர் வற்றிவிட்டது. துருவ பிரதேசங்களிலும் , நிலத்திற்கு அடியில் சில இடங்களிலும் தான் நீர் இருப்பதாக தெரிகிறது. வளிமண்டலம் அடர்த்தி குறைந்ததாக மாறிவிட்டது.

இந்த பரிணாம மாற்றம் அடைய காரணம், செவ்வாய் பூமியை விட சிறியதாய் இருப்பதால் செவ்வாயின் உள்ளே உள்ள உருகிய இரும்பு, காலபோக்கில் குளிர்ந்து கெட்டியாகி விட்டது . பூமியின் உள்ளே கெட்டியான இரும்பும், அதை சுற்றி உருகிய இரும்பு சுழதுவதால காந்த புலன் உருவாகிறது. செவ்வாயில் அந்த உருகிய இரும்பு குளிர்ந்து கெட்டியாகி விட்டதால் காந்த புலன் இல்லாமல் போய்விட்டது. இந்த காந்த புலன் இல்லாவிட்டால் , புலியிடம் சிக்கிய மான் போல , சூரிய காந்தபுயல்களினால் பூமி தாக்கப்பட்டு உயிர்கள் இல்லாத ஒரு வறண்ட பிரதேசமாக மாறிவிடும். அதுதான் செவ்வாயில் நடந்து . ஒரு காலத்தில் உயிர் வளச்சிக்கு சாதகமாக இருந்த செவ்வாயின் வளிமண்டலம் , நம்மில் பலரும் வணங்கும் சூரியனின் நாசகரமான கதிர் வீச்சுகளினாலயே தகர்க்கப்பட்டது . அதனால் நீர் வற்றி , வறண்ட குளிர்ந்த பிரதேசமாக மாறிவிட்டது .

இது நம் சூரியன் செய்த காரியம் தான் .குழந்தை பிறக்கும் போதே இறப்பது போல , பிரபஞ்சத்தில் ஒரு கோளில் உயிர்கள் தோன்ற ஆரம்பிக்கும் சமயம் , அந்த கோள் பிரபஞ்சத்தின் அழிவு சக்தியால் ஒரு உபயோகமில்லாத இடமாய் மாறிவிடுகிறது.

பூமியில் இந்த காந்தபுலன் வடக்கிலிருந்து தெற்காக வந்து கொண்டிருக்கின்றது .அப்படி தொடர்ந்து எப்பொழுதுமே நடந்து கொண்டிருக்காது. சில காலத்திற்கு பிறகு அது தடம் மாறி தெற்க்கிலிருந்து வடக்காக செல்ல ஆரம்பிக்கும்.அதிர்ச்சியான செய்தி என்னவென்றால் அந்த மாற்றம் பூமியில் ஆரம்பித்துவிட்டது என்று சமிபத்தில் கண்டுபிடிக்கப்பட்டுள்ளது. இந்த மாற்றத்தால் பூமியில் உள்ள உயிரினங்கள் எல்லாம் அழிந்து போகும் வாய்ப்புண்டு . மனித குலம் தப்பித்துவிடும் என்ற ஆசையை விட்டுவிட வேண்டும். இது போன்ற பல அழிவுகள் எப்போது வேண்டுமானாலும் வரலாம் என்பதனால்தான் , மனிதனை வேறு ஒரு கோளில் குடியமர்த்துவதற்கு அறிவியலாளர்கள் முயற்சிகள் ஆரம்பித்துள்ளனர்.

நமது சகோதரி என்று அழைக்கப்பட்ட வெள்ளி , பித்தளை ஆனாலும் பரவாயில்லை. பழைய துருப்பிடித்த தகரம் ஆகிவிட்டது. எல்லோராலும் ரசிக்கப்படும் , ஒருகாலத்தில் பூமியை போன்று இருந்த வெள்ளி , அதிபயங்கர புயல்களையும் , கந்தக அமில மழையும் , நச்சு வாயுக்களை கொண்டதுமான, உயிர்கள் பரிணாமிக்க முடியாத ஒரு நரகமாக மாறிவிட்டது.
' சொர்கமாக நாம் நினைத்தது வெறும் நரகமாக மாறிவிட்டது '. வெள்ளி மற்றும் செவ்வாயின் பரிணாம வளர்ச்சியை காணும் நாம் , நம் பூமியும் வயதாகிக்கொண்டிருக்கின்றது என்ற உண்மையை மனிதில் கொள்ள வேண்டும்.

நமக்கெல்லாம் ஆதாரமாயிருக்கும் சூரியனுக்கும் வயதாகிக்கொண்டிருக்கிறது. மனிதனுக்கு நாற்பது வயதில் நாய் குணம் என்பது போல , தன பாதி வயதை எட்டியுள்ள சூரியன் என்ன ' கோணங்கித்தனம் ' பண்ண போகிறதோ ,அந்த சூரியனுக்குத்தான் வெளிச்சம் .

ஏராளமான குழந்தைகள் , பிறக்கும் போது இறப்பது, ஐந்து வயதை கடப்பதற்குள் போதிய உணவின்றி இறப்பது, வாலிப பருவம் அடைவதற்குள் இன்னும் ஏராளமானவர் இறப்பது போல, பிரபஞ்சத்திலும் உயிர் தோன்றும் போதே அழிந்து போகும் கோள்கள் , உயிர் தோன்றிய சில காலத்திலயே அழிந்து போன கோள்கள், உயிர் தோன்றி மனிதைப்போன்ற பரிணாம வளர்ச்சி அடைவதற்குள அழிந்து போகும் பல கோள்கள் உள்ளன . ஆகவே பிரபஞ்சத்தில் பல பல நிலைகளில் உயிர்கள் பரிணாம வளர்ச்சி யடைந்த , கோள்களை காண வாய்ப்புண்டு.

கைக்கு எட்டியது வாய்க்கு எட்டாமல் போய்விடுமோ?

சரி , ஒரு கோளிலிருந்து செய்து வந்து விட்டது , அதற்க்கு நாமும் பதில் அனுப்பிவிட்டோம் . இருவருக்கும் மற்றவர்கள்
பிரபஞ்சத்தில் எங்கிருக்கின்றனர் என்று அறிந்துவிட்டது. மேலே என்ன செய்வது? ஒன்றும் செய்யமுடியாது. அவர்கள் அங்கேயும் நாம் இங்கேயும் இருந்து கொள்ள வேண்டியதுதான். எப்படி அவர்களை போய் சேர முடியும்?

மேலை நாடுகளில் நடந்த விஞ்ஞான வளர்ச்சி நம்மை ஆச்சரியப்பட வைக்கின்றன. பாராட்டபடவேண்டிய பல முன்னேற்றங்கள். நிலவுக்கு மனிதன் சென்றுவிட்டான். அனால் பிரபஞ்ச தொலைவுகளை கணக்கில் எடுக்கும் போது மிக மிக அருகில் உள்ள நிலவு வரைதான் மனிதன் சென்றுள்ளான் , என்பதுதான் உண்மை. இன்னுன் சில வருடங்களுக்கு பிறகு சூரியனின் மற்ற கோள்களுக்கும் செல்ல முடியலாம் . ஆனால் பல நட்சத்திர கூட்டங்களை கடந்து , வேறு எங்கோ உள்ள ஒரு கோளுக்கு செல்ல இப்போதைய விஞ்ஞானம் விடை காணவில்லை . ஏனென்றால் நட்சத்திரங்களை கடந்துசெல்வது என்பது மிக மிக கடினம்.

நமக்கு மிக அருகில் இருக்கும் நட்சத்திரம் சுமார் நான்கு ஒளியாண்டுகள் தொலைவில் இருக்கின்றன.ஒரு ஒளியாண்டு என்பது சுமார் ஒன்பதரை லட்சம் கோடி கிலோ மீட்டர்களாகும் . அதாவது அருகிலுள்ள நட்சத்திரமே சுமார் நாற்பது லட்சம் கோடி கிலோ மீட்டர்கள் தொலைவில் உள்ளது . சில புதிதாக கண்டுபிடிக்கப்பட்ட கோள்கள் ஆயிரம் ஒளியாண்டுகள் தொலைவில் உள்ளன.

மீண்டும் நினைவில் கொள்ளவேண்டியது வினாடிக்கு மூன்று லட்சம் கிலோ மீட்டர்கள் செல்ல கூடிய வாகனத்தில் பயணித்தால் அந்த நட்சத்திரத்தை சென்றடைய நான்கு ஆண்டுகள் ஆகும். வேண்டிய வேகம் வினாடிக்கு மூன்று லட்சம் கிலோ மீட்டர். நாம் நம் விஞ்ஞான வளர்ச்சியில் அடைந்துள்ள வேகம் மிக குறைவு. வின் மீன்களை போய்ச்சேர, இப்போது நம்மிடமுள்ள வாகனத்தில் சென்றால் பல நூறு ஆண்டுகள் பிடிக்கும்.

பல நூறு ஆண்டுகள் வின் வெளியில் பயணம் செய்வது மிக மிக கடினம். அத்தனை காலத்தில் அண்டவெளியின் கதிர் வீச்சு மனிதனை கொல்ல நிறைய வாய்ப்புகள் உள்ளன. வெகு காலம் பூமியை விட்டு பயணிக்கும்போது நிச்சயமாக மனிதன் மனதளவில் பாதிக்க படுவான். அவன் உடலுறுப்புக்கள் பல பாதிக்க படும். எல்லாவற்றிற்கும் மேலாக , மனிதனின் ஆயுள் காலம் அதற்க்கு இடம் கொடுக்காது .

ஒரு நீண்ட அண்டவெளி பயணத்தில் மனிதனுக்கு ஏற்ப்படும் , பல பிரச்சனைகளை தீர்க்க கடும் ஆராய்ச்சியில் இறங்கியுள்ளனர் அறிவியலாளர்கள் . உதாரணத்திற்கு ,ஒன்றே ஒன்றை எடுத்துகொள்வோம். முக்கியமானது மனிதனின் ஆயுட்காலம். அதை மரபணு மாற்றம் மூலமாக நீட்டிக்க வழி வகைகளை ஆராய்து , அந்த ஆய்வின் விடையை சில பிராணிகளில் செலுத்தி அதன் வாழும் காலத்தை அதிகரித்து ஆரம்ப வெற்றியும் பெற்றுள்ளனர் என்பது மிகவும் முக்கியமான செய்தியாகும்.

துருவக்கரடிகள் வருடத்தில் பல மாதங்கள் கடும் குளிர் காரணமாக , உண்ணாமல் உறங்கிக்கொண்டே இருக்கும். மாதக்கனக்கான இந்த தொடர் உறக்கத்தை ஆங்கிலத்தில் ஹைபெர்நேசன் ( HYBERNATION ) என்று கூறுவார்கள்). அந்த மிருகத்தில் இதற்கு காரணமான் மரபணுக்களை கண்டுபிடித்து அதை மனிதனின் உடலில் செலுத்தி, பயண நேரத்தை தூங்கி கழிக்க வழி செய்யும் உத்தியை விஞ்ஞானிகள் பயன் படுத்த முயற்சி செய்கின்றனர்.

ஆண் , பெண் இணையாகத்தான் அனுப்ப முடியும். குழந்தை பிறப்பு , வளர்ப்பு உள்பட , நீண்ட பயணத்தின் போது வின் வெளி வீரர்கள் சந்திக்கும் இதுபோன்ற பிரச்சனைகள் ஏராளம். அவை ஒவ்வொன்றையும் தீர்க்க விஞ்ஞான் உலகம் கடினமான , ஆச்சிரியப்பட வைக்கும் ஆராய்சிகளை செய்து கொண்டிருக்கின்றது . இந்த வகையான ஆராய்சிகளில் வெற்றி கிடைக்குமா என்பதெல்லாம் பொறுத்திருந்து பார்க்க வேண்டியதுதான்.

அதனால் வேறு ஒரு கோளில் அறிவுஜீவிகள் இருப்பது தெரிந்தும் கூட , கைக்கு எட்டியது வாய்க்கு எட்டவில்லை , என்பது போல நாமும் அவர்களும் அவரவர் இடத்தில இருந்துகொள்ள வேண்டியதுதான் . சந்திப்பதற்கு இப்போது வேறு வழியே இல்லை.

வருங்காலத்தில் என்ன நடக்கும் ?

வருங்காலத்தில் , அறிவியல் மேலும் வளர்ச்சி அடையும் போது, ஒளியின் வேகத்தில் செல்லும் வாகனத்தை கண்டுபிடித்து, அதில் பயணம் செய்யும் சிரமங்களையும் நிவர்த்தி செய்தபின் ; அல்லது வேறு சில உத்திகளின் மூலம் நட்சத்திர பயணத்தை எளிதாக்கி , பூமியை விட்டு சென்று மனிதன் வெகு தொலைவில் உள்ள பல கோள்களில் , வசிக்க துவங்குவான். அப்போது விசித்திரமான, வினோதமான , எதிர்பார்க்காத ஒரு பரிணாம வளர்ச்சி அந்த கோள்களில் உள்ள மனிதர்களுக்கு நடக்கும் .

விண் வெளி ஆராய்ச்சியின் ஆரம்ப கட்ட நாட்களில் விண்வெளியில் சில நாட்கள் இருந்து விட்டு வந்த விண் வெளி வீரர்கள் , இங்கே பூமியில் இறங்கும் போது , அவர்களால் நிற்க முடியாது. அவர்களை தூக்கிக்கொண்டு தான் செல்வார்கள். ஏனென்றால் ' வெளி ' யில் ஈர்ப்பு விசை இல்லை. நம் கைகளை காட்டிலும் கால்கள் பலமானதாக இருக்க காரணம் , நாம் நடக்கும்போது நம் கால்கள் தான் ஈர்ப்பு விசையை எதிர்த்து நம் உடலை தூக்கிக்கொண்டு செல்கின்றது . அதனால் கால்கள் வலுப்பெறுகின்றன. ஈர்ப்பு விசை இல்லையென்றால் கால்கள் கைகளைபோலத்தான் இருக்கும். அதனால் தான் விண் வெளி வீரர்கள் சில மாதங்கள் கழித்து திரும்பி வரும் போது, அவர்களால் நிற்க இயலவில்லை

ஈர்ப்பு விசை குறைவாக உள்ள ஒரு கோளில் , மனிதன் பல ஆண்டுகளாக வசிக்க ஆரம்பித்தால் , அவனுடைய கால்கள் தட்டு குச்சி போல ஆகும். பூமியில் வாழும் மனிதனுக்கும் அவனுக்கும் முதல் உடல் வேற்றுமை வரும். ஒருகால், அந்த கோள் ஈர்ப்பு விசை , பூமியை விட அதிகமாக இருந்தால் , கால்கள் நம் கால்களை விட மிக வலிமையாக இருக்கும். அந்த கோளின் ஈர்ப்பு பலமடங்கு அதிகமாக இருந்தால் , அங்கே நடப்பதே மிகக்கடினமாக இருக்கும். ஊர்வது தான் , எளிதாயிருக்கும் . அங்கே உள்ள மனிதர்கள் அதைதான் செய்ய ஆரம்பிப்பார்கள் . நமக்கும் அவர்களுக்கும் , இது போன்ற பல உடலமைப்பு வேறுபாடுகள் தோன்றும். காலப்போக்கில் அவர்களுக்கு ஒரு மனிதனைப்போன்ற தோற்றம் கூட இல்லாமல் போய்விடும். அவர்கள் பூமிக்கு திரும்ப வந்தால் , நாம் அவர்களை பார்த்து நம் உறவினர்கள் என்று சொல்ல மறுப்போம். சிம்பன்சி குரங்குகளை நம் உறவினர் என்று ஒத்துகொள்ள இப்போது நாம் மறுப்பது போல. சிம்பன்சி குரங்குகளுக்கும் நமக்கும் 98 சதவீதம் மரபு ஒற்றுமைகள் இருந்தாலும் நாம் விசேஷ பிறவி என்று பெருமையாக பிதற்றுகிறோமே , அதுபோல.

இப்போது உலகில் உள்ள வெவேறு நாடுகளில் மனிதர்கள் வெள்ளை, கருப்பு , சப்பை மூக்கு போன்ற வேறுபாடுகளுடன் இருப்பது போல , ஒவ்வொரு கோளிலும் , மனிதர்கள் ஒவ்வொரு விதமான நூதனமான மாற்றம் அடைவார்கள். ஆனால் அனைவரும் மனிதர்கள் தான். அவன் ஜப்பானிலிருந்து வந்தவன், இவன் ஆபிரிக்காவிலிருந்து வந்தவன் என்று நாம் இப்போது கூறுவது போல , அப்போது இவன் அந்த கோளிலிருந்து வந்தவன் . இந்த கோளிலிருந்து வந்தவன் என்று அவர்களை அடையாளம் சொல்லும் நிலை வரும்.

வாயஜெர் விண்கலம் (voyager)

1977 இல் 'வாயஜெர் ஒன்று ' மற்றும் ' வாயஜெர் இரண்டு ' என்ற இரண்டு விண்கலங்கள் அனுப்ப பட்டது. வியாழன் , சனி, யூரேனஸ் , நெப்டியுன் ஆகிய கோள்களை ஆய்வு செய்யவும் , நமது சூரிய குடும்ப எல்லையை தாண்டி , விண்மீன்களுக்கு இடையேயான ' வெளியில் ' பயணம் செய்து ஆய்வு நடத்தவும் இவை அனுப்பப்பட்டது.

இவை இரண்டிலும் தங்க முலாம் பூசப்பட்ட ஒளி, ஒலி தகடுகள் பொருத்தப்பட்டுள்ளன. அதில் மனிதன் மற்றும் இங்குள்ள பல உயிர்களின் உருவங்கள் , பல் வேறு மொழிகள் , கலாச்சாரம், அறிவியல் வளர்ச்சி , இசை ஆகிய பூமியை பற்றிய பல
செய்திகள் பதியப்பட்டுள்ளன. இந்த விண்கலம் பயணம் செய்யும் பொது , வேற்றுக்கோள் அறிவுஜீவிகள் இந்த தகட்டை காண்பார்கலேயானால், நம்மை பற்றி எல்லா விவரங்களையும் தெரிந்து கொள்வார்கள்

சூரியனை விட்டு சுமார் 1800 கோடி கிலோமீட்டர்கள் பயணம் செய்து , மேலும் தன் நட்சத்திர பயணத்தை வெற்றிகரமாக தொடரும் , அந்த விண்கலம் , வேற்றுக்கோள் அருவுஜீவிகளுக்கு நம்மை பற்றிய விவரத்தை , என்றாவது ஒருநாள் நிச்சயமாக கொடுக்க உதவும் என்று நம்புகிறார்கள்

சூப்பர் மனிதர்கள்

சரி, நாம் சூப்பர் மனிதர்களை தேடுவோம். நமக்கு பழங்கால குகைவாசிகள் எப்படியோ அதுபோலதான் அவர்களுக்கு நாம், விஞ்ஞானத்தில் அவர்கள் நம்மை விட பல மடங்கு முன்னேறியவர்கள். அவர்களை நாம் தேட வேண்டிய அவசியம் இல்லை. நம்முடைய சிக்னல் கிடைத்தால் போதும் , சூப்பர் மனிதர்கள் இருந்தார்களேயானால், அவர்களே நம்மை தேடி வந்துவிடுவார்கல் .

வேற்று கோள் சூப்பர் மனிதர்கள் இங்கு வந்ததாக பல சுவையான திரை படங்கள் வந்துள்ளன . அவர்கள் நம்மில் பலரை கடத்தி சென்றதாகவும் , கடத்திசென்ற மனிதர்களின் உடலில் சில ஆராய்ச்சிக்குப்பிறகு அவர்களை திரும்ப பூமியில் மீண்டும் கொண்டு விட்டதாகவும் வெகு சுவாரிசியமான , திகிலூட்டும் கதைகள், குறிப்பாக மேலை நாடுகளில் பல உண்டு. பலரும் அவர்களை பார்த்ததாகவும் கூறுகின்றனர் . ஆனால் அவர்கள் கூற்றை ஆய்ந்த விஞ்ஞானிகளும் , மேலை நாட்டு அரசாங்கங்களும் அப்படி ஒரு கடத்தலோ அல்லது மற்ற சம்பவங்களோ நடக்கவில்லை என்று கூறுகின்றனர். அரசாங்கம் உண்மையை மூடி மறைக்கின்றது என்று பலர் வாதிக்கின்றனர்.

வாதங்களும் எதிர்வாதங்களும் மேலை நாடுகளில் அனல் பறக்க விவாதிக்கப்பட்டு வருகின்றன. நம் நாட்டில் அது இல்லை. நமக்கு இங்கே வேறு பல் பிரச்சனைகள் நிறைய இருக்கின்றனவே.

சூப்பர் மனிதர்கள் இங்கே வருவதற்கு , அவர்களுக்கு , நாம் முன்பு விவாதித்த , நட்சத்திர பயண தடைகள் இருக்காது . அவைகள் அனைத்திற்கும் விஞ்ஞான விடைகள் கண்டுபிடித்து, வெற்றிகரமாக சூப்பர் மனிதர்களால் இங்கு வந்து சேர முடியும் . நட்சத்திர பயணம் செய்யும் அளவுக்கு வளர்ச்சி கண்டவர்கள் ஒரு கோளில் தொடந்து இருக்க மாட்டார்கள். நாடோடி மன்னர்களாகதான் இருப்பார்கள் என்று அறிவியலாளர்கள் கருதுகின்றனர். 

தினமலர் இதழில்

வேற்று கிரகங்களில் வாழும் மனிதர்களை அமெரிக்க அதிபர் சந்தித்த செய்தி தற்பொழுது வெளியாகிஉள்ளது.

உலகம் முழுவதும் நம்பப்படும் செய்தி வேற்று கிரகத்தில் மனிதர்கள் உள்ளனர் என்பதுதான். உலகின் பல்வேறு பகுதிகளிலும் ஆங்காங்கே வேற்று கிரக மனிதர்களோ அல்லது அவர்கள் பறந்து செல்லும் தட்டு தென்பட்டதாக செய்திகள் வரும். ஆனால் இன்று வரை அந்த செய்திகள் உறுதிபடுத்தப்படவில்லை. இந்நிலையில் பிபிசி 2 கரண்ட் அபையர்ஸ் இல் பங்கேற்று, அமெரிக்க பார்லிமென்ட் உறுப்பினரும் பென்டகனின் ஆலேசாகருமான பணிபுரிந்த குட் பேசுகையில், அமெரிக்காவின் முன்னாள் அதிபரான டிவைட் டி ஐசனோவர் வேற்று கிரக மனிதர்களை மூன்று முறை சந்தித்தார் என்று கூறினார்

எப்பிஐ அதிகாரிகள் டெலிபதி தகவல் பரிமாற்ற முறை மூலம் வேற்று கிரக மனிதர்களை தொடர்பு கொண்டதாகவும், அதனை ஏற்ற வேற்று கிரக மனிதர்கள் அமெரிக்காவின் அன்றைய அதிபர் டிவைட் டி ஐசனோவரை கடந்த 1954ம் ஆண்டு அமெரிக்காவின் நியூ மெக்ஸிகோ மாகாணத்தில் உள்ள ஹோல்மென் ராணுவ விமான தளத்தில் மூன்றுமுறை சந்தித்தனர் என கூறினார். இந்த சந்திப்பை கண்டதற்கான பல சாட்சிகள் உள்ளன எனவும் கூறியுள்ளார்.

வேற்று கிரக மனிதர்கள் உலகின் பல்வேறு பகுதிகளில் உள்ள மனிதர்களை சந்தித்துள்ளனர். இந்த சந்திப்பு குறித்த தகவல் இதுவரை மிகவும் ரகசியமாக வைக்கப்பட்டு இருந்ததாகவும் கூறினார். ஆனால் குட் இன் இந்த பேச்சை அமெரிக்க அதிகாரிகள் இதுவரை மறுக்கவில்லை. இதன்மூலம் வேற்று கிரக வாசிகள் உள்ளனர் என்ற செய்தி உறுதி செய்யப்பட்டுள்ளது

மாலைமலர் இதழில்:

அமெரிக்காவில் உள்ள ஹார்வேடு பல்கலைக்கழக விண்வெளி விஞ்ஞானி ஹோவர்ட் அமித், வேற்று கிரக வாசிகள் இருப்பதாகவும், அவர்கள் பூமிக்கு வந்து மனிதர்களை தாக்கும் சூழ்நிலை நிலவும் என்றும் கருத்து தெரிவித்து இருந்தார்.

இதற்கு விண்வெளி வீரர் ஒருவர் மறுப்பு தெரிவித்துள்ளார். விண்வெளியில் வேற்று கிரக மனிதர்கள் இல்லை. நாங்கள் மட்டுமே தங்கியிருந்து பரிசோதனை நடத்தி வருகிறோம்.

ஆனால் விண்வெளியில் பூமியை போன்று பல கிரகங்கள் உள்ளன. அங்கு மனிதர்கள் வாழமுடியாத சூழ்நிலை உள்ளது என்றார்.