ஜோலாா்பேட்டை பாலியல் வழக்கில் கைது செய்யப்பட்ட தலைமையாசிரியரை விடுவிக்கக் கோரி, மாணவா்கள் வகுப்பு புறக்கணிப்பு போராட்டத்தில் ஈடுபட்டனா்.
திருப்பத்துாா் மாவட்டம், ஜோலாா்பேட்டை அருகே பெரிய மோட்டூா் பூனைக்குட்டை பள்ளம் பகுதியில் உள்ள அரசு நடுநிலைப் பள்ளியில், வாணியம்பாடி நியூ டவுனை சோ்ந்த சுப்பிரமணி (53) என்பவா் தலைமை ஆசிரியராகப் பணியாற்றி வந்தாா்.
தகவலறிந்த அப்பெண்ணின் உறவினா்கள் மற்றும் மாணவா்களின் பெற்றோா் தலைமையாசிரியரைக் கண்டித்து பள்ளியை முற்றுகையிட்டனா். அப்பெண் அளித்த புகாரின் பேரில், ஜோலாா்பேட்டை போலீஸாா் வழக்குப் பதிந்து தலைமை ஆசிரியா் சுப்பிரமணியை கைது செய்தனா்.
இதனிடையே ஜோலாா்பேட்டை வட்டாரக் கல்வி அலுவலா் அசோக்குமாா் தலைமை ஆசிரியா் சுப்பிரமணியை பணியிடை நீக்கம் செய்தாா்.
இந்த நிலையில் வெள்ளிக்கிழமை காலை வழக்கம் போல் பள்ளிக்கு வந்த மாணவா்கள் திடீரென கைதான தலைமை ஆசிரியரை விடுவிக்க வலியுறுத்தி பள்ளியை பூட்டி, வகுப்பை புறக்கணித்தனா்.
தகவலறிந்த ஜோலாா்பேட்டை போலீஸாா் சென்று பள்ளி மாணவா்களிடம் நடத்திய பேச்சு தோல்வியில் முடிந்தது. பின்னா், பள்ளிக் கல்வித் துறை அதிகாரிகள் மற்றும் வருவாய்த் துறையினா் சுமாா் 3 மணி நேரம் பேச்சு நடத்திய பிறகு மாணவா்கள் தங்களது போராட்டத்தைக் கைவிட்டு பள்ளிக்குள் சென்றனா்.
இந்த நிலையில், கடந்த திங்கள்கிழமை அப்பள்ளியில் தற்காலிக பணியில் உள்ள பெண் கணினி இயக்குநரை தலைமையாசிரியா் தனது அறைக்கு அழைத்து பாலியல் தொல்லை தந்ததாகக் கூறப்படுகிறது.
