70 தொகுதிகளை கொண்ட டெல்லி சட்டமன்றத் தேர்தல் கடந்த 7ஆம் தேதி நடைபெற்றது. இதற்கான வாக்கு எண்ணிக்கை 10.02.2015 செவ்வாய்க்கிழமை நடைபெற்றது.
இதில் 67 தொகுதிகளில் அரவிந்த் கெஜ்ரிவாலின் ஆம் ஆத்மி கட்சி வெற்றி பெற்றது. முதல் அமைச்சர் வேட்பாளராக போட்டியிட்ட அரவிந்த் கெஜ்ரிவால் 31 ஆயிரம் வாக்குகள் வித்தியாசத்தில் வெற்றி பெற்றார். 3 தொகுதிகளில் பாரதிய ஜனதா கட்சி வெற்றி பெற்றது. காங்கிரஸ் கட்சி ஒரு தொகுதியில் கூட வெற்றி பெறவில்லை.
மிகப் பெரிய வெற்றியை டெல்லி மக்கள் கொடுத்துள்ளனர். மக்களுடன் இணைந்து டெல்லியை வளர்ச்சி பாதைக்கு கொண்டு செல்வேன் என்று அரவிந்த் கெஜ்ரிவால் கூறியுள்ளார்.
வரும் பிப்ரவரி 14ஆம் தேதி ஆம் ஆத்மி கட்சி பொறுப்பேற்க உள்ளதாக தகவல்கள் தெரிவிக்கின்றன.
