பள்ளி விடுமுறையை ஜூன் 12-ம் தேதி வரை நீட்டிக்குமாறு ஆசிரியர்கள் அமைப்பு கோரிக்கை

பள்ளிகளை ஜுன் 1-ம் தேதி திறக்கும் நடவடிக்கையை அரசு கைவிட வேண்டும் என ஆசிரியர்கள் அமைப்பு வலியுறுத்தி உள்ளது. கோடை வெயில் கொளுத்துவதால் பள்ளி திறப்பை ஒத்திவைக்க JACTTA கோரிக்கை விடுத்துள்ளது.

ஆசிரியர் சங்கங்களின் கூட்டு நடவடிக்கை குழு மாநில தலைவர் இளமாறன் பேட்டியளித்துள்ளார். மாணவர் உடல் நலனை கருத்தில் கொண்டு பள்ளி விடுமுறையை ஜூன் 12-ம் தேதி வரை நீட்டிக்குமாறு தமிழக அரசுக்கு ஆசிரியர்கள் அமைப்பு கோரிக்கை விடுத்துள்ளது.